سنگا پور(این این آئی)عالمی منڈی میں تیل کی قیمتوں کی نئی قلابازی،حد عبور کرلی،عالمی منڈی میں تیل کی قیمتوں میں اضافہ جاری ہے اور فی بیرل قیمتیں 51 ڈالر سے تجاوز کرگئیں، بین الاقوامی مارکیٹ میں بدھ کو مسلسل 5 ویں سیشن میں بھی تیل کی قیمتوں میں اضافے کا رحجان رہا۔ امریکی ویسٹ ٹیکساس انٹرمیڈیٹ کے تحت تیل کی قیمتوں میں 0.9 فیصد اضافہ ریکارڈ کیا گیا اور مستقبل میں خریداری کے معاہدے 45 سینٹ کے اضافے کے بعد 49.14 ڈالر فی بیرل میں طے پائے۔تیل کی تجارت سے وابستہ بروکروں کا کہنا ہے کہ امریکی پٹرولیم انسٹی ٹیوٹ کی جانب سے خام تیل کے انوینٹریز میں کمی کی اطلاعات کے بعد تیل کی قیمتوں میں اضافہ دیکھنے میں آرہا ہے۔ برینٹ کروڈ کے تحت خام تیل کی قیمتوں میں 0.8 فیصد اضافہ دیکھنے میں آیا اور مستقبل کے سودے 51.29 ڈالر فی بیرل میں طے پائے
سونے شائقین کیلئے اب تک کی سب سے زبردست خبر یہ آئی ہے کہ عالمی مارکیٹ میں سونا 42 ڈالر فی اونس سستا ہوگیا۔ مقامی صرافہ بازار میں 10گرام سونا 1300 روپے اور فی تولہ 1500 روپے تک سستا ہونے کا امکان ہے۔برطانیہ کے یورو زون سے نکلنے کے اثرات عالمی مارکیٹ میں پڑنا شروع ہوگئے۔ عالمی مارکیٹ میں سرمایہ کاروں کی جانب سے سونے کے سودوں میں بڑے پیمانے پر فروخت کے باعث فی اونس سونا 42 ڈالر سستا ہوکر ساڑے 3 ماہ کی کم ترین سطح 1276 ڈالر تک گرگیا۔مقامی صرافہ بازار ڈیلرز کا کہنا ہے کہ اس کمی کا اثر مقامی صرافہ بازار میں بھی ہوگا ، جس کے تحت عالمی مارکیٹ میں سونے کی موجود قیمت کے تحت مقامی صرافہ بازار میں 10گرام سونا 1300 روپے تک اور فی تولہ سونا 1500 روپے تک سستا ہوجائے گا۔واضح رہے کہ سی پیک منصوبے کی سیکیورٹی کی مد میں بجلی کے بلوں میں ٹیکس عائد کرتے ہوئے پاکستانی عوام کی جیبوں پر بے پناہ بوجھ ڈالاجارہا ہے ، جس کی وجہ سے عوام کی طرف سے شدید ردعمل بھی سامنے آیا ہے