کراچی(نیوزڈیسک) منگل کے روزعالمی صرافہ مارکیٹ میں فی اونس سونے کی قیمت میں کمی کے بعدملکی صرافہ مارکیٹوں میں بھی سونا سستا ہو گیااور ایک تولہ سونے کی قیمت 50ہزارروپے سے کم ہوکر49ہزارروپے پرآگئی ۔ عالمی صرافہ مارکیٹ میں6ڈالرکی کمی سے سے فی اونس سونے کی قیمت1293ڈالرہوگئی ۔آل پاکستان سپریم کونسل جیولرز ایسوسی ایشن کی رپورٹ کے مطابق منگل کوملکی صرافہ مارکیٹوں میں ایک تولہ سونے کی قیمت میں200روپے کی کمی ریکارڈکی گئی جس کے بعدکراچی،حیدرآباد،لاہور،ملتان، فیصل آباد، اسلام آباد، راولپنڈی اورکوئٹہ کی صرافہ مارکیٹوں میں ایک تولہ سونے کی قیمت50ہزارروپے سے کم ہوکر49ہزار800روپے پرآگئی اسی طرح172روپے کی کمی سے دس گرام سونے کی قیمت 42ہزار685روپے ہوگئی جبکہ10روپے کی کمی سے ایک تولہ چاندی کی قیمت680روپے ہوگئی