اسلام آباد(نیوز ڈیسک) ذرائع کے مطابق حکومت جی ایس ٹی میں معمولی کمی کرکے پٹرول اور ہائی اسپیڈ ڈیزل کی قیمت بھی برقرار رکھ سکتی ہے۔ اوگرا پٹرولیم مصنوعات قیمتوں کی سمری 28 اپریل کو وزارت پٹرولیم کو ارسال کرے گی جس کے مطابق پٹرول کی قیمت میں 2 روپے 67 پیسے فی لٹر اور ہائی سپیڈ ڈیزل کی قیمت میں 3 روپے فی لٹر اضافے کا امکان ہے۔ ہائی آکٹین، مٹی کے تیل اور لائٹ ڈیزل کی قیمتیں برقرار رہنے کا امکان ہے۔ واضح رہے کہ عالمی سطح پر پٹرولیم مصنوعات کی قیمتوں میں مسلسل کمی کے باعث حکومت اضافے پر غور کررہی ہے۔