لندن (نیوز ڈیسک )عالمی منڈیوں میں سونے کی قیمتوں میں اضافہ دکھائی دیا۔ نیویارک میں سپاٹ گولڈ کی قیمتوں میں 0.4 فیصد اضافہ ریکارڈ کیا گیا اور مستقبل کے سودے 1231.96 ڈالر فی اونس میں طے پائے۔ جون کیلئے خریداری کے معاہدے 0.7 فیصد اضافہ کے بعد 1234.60 ڈالر فی اونس میں طے پائے۔ لندن میں سپاٹ گولڈ کی قیمتوں میں 0.1 فیصد اضافہ ریکارڈ کیا گیا اور مستقبل کی خریداری 1229.06 ڈالر فی اونس میں کی گئی۔ قبل ازیں کاروباری سیشن میں قیمتوں میں 1.3 فیصد کی کمی ریکارڈ کی گئی تھی۔ سنگا پور میں سپاٹ گولڈ کی قیمتوں میں 0.3 فیصداضافہ ریکارڈ کیا گیا اور مستقبل کے معاہدے 1226.06 ڈالر فی اونس میں طے پائے۔