سنگا پور(نیوزڈیسک) ایشین آئل مارکیٹ میں خام تیل کے نرخوں میں اضافہ ہوا جس کی وجہ سرمایہ کاروں کی تیل پیدا کرنے والے ملکوں کی تنظیم اوپیک کے اجلاس سے مثبت توقعات ہیں۔ویسٹ ٹیکساس انٹرمیڈیٹ کے دوپہر کے وقت مئی کیلئے سودے 13 سینٹ (0.33 فیصد) اضافے کے ساتھ 39.85 ڈالر فی بیرل جبکہ برنٹ نارتھ سی کروڈ کے جون کیلئے سودے 15 سینٹ (0.36 فیصد) اضافے کے ساتھ 42.09 ڈالر فی بیرل میں طے پائے۔ادھر 17 اپریل کو دوحہ میں سعودی عرب اور روس کی سربراہی میں تیل پیدا کرنے والے ملکوں کا اجلاس ہورہا ہے جس بارے سرمایہ کاروں کو امید ہے کہ یہ ممالک تیل کی پیداوار میں کمی پر رضامند ہوجائیں گے۔