سنگاپور(نیوزڈیسک) عالمی منڈیوں میں سونے کی قیمتوں میں اضافے کا رجحان رہا۔ میڈیا رپورٹس کے مطابق کے سپاٹ گولڈ کی قیمتوں میں 1.1 فیصد کا اضافہ ریکارڈ کیا گیا اور مستقبل کے معاہدے 1228.31 ڈالر فی اونس میں طے پائے گئے۔ جون کےلئے یو ایس گولڈ فیوچرز کے تحت مستقبل کے معاہدے 0.8 فیصد اضافے کے بعد 1229.60 ڈالر فی اونس میں طے پائے گئے۔ لندن میں سپاٹ گولڈ کی قیمتوں میں 1.4 فیصد کااضافہ ریکارڈ کیا گیا اور مستقبل کے سودے 1231.61 ڈالر فی اونس میں طے پائے گئے۔ سنگاپور میں سپاٹ گولڈ کی قیمتوں میں تقریباً0.9 فیصد اضافہ ریکارڈ کیا گیا اور مستقبل کے معاہدے 1227.60 ڈالر فی اونس میں طے پائے گئے۔