اسلام آباد(مانیٹرنگ ڈیسک/این این آئی)مینار پاکستان پر پی ٹی آئی کے جلسے میں شرکت کرنے والے افراد سے متعلق رپورٹ سامنے آگئی ہے ۔ غیر جانبدار ذرائع نےاپنی رپورٹ ڈیڑھ لاکھ افراد نے جلسے میں شرکت کی جبکہ ایجنسیوں کی رپورٹ کے مطابق 70ہزار اور ن لیگ کے مطابق

صرف 25ہزار لوگوں نے جلسے میں شرکت کی ہے ۔ اس حوالے سے تحریک انصاف نے کہا ہے کہ ریکارڈ بن گئے ہیں جلسے میں شریک ہونے والوکی تعداد سے لاکھ سے زائد تھی ۔ دوسری جانب پاکستان تحریک انصاف کے گزشتہ روز کے جلسے کے باعث لاہور کے گریٹر اقبال پارک کو کم و بیش 80 لاکھ روپے کا نقصان ہوا ہے۔میڈیا رپورٹ کے مطابق پی ایچ اے کی جانب سے پارک میں ہونے والے نقصانات کے لیے سروے شروع کر دیا گیا ہے اور تقریباً ایک کروڑ 20 لاکھ روپے کے نقصان کا تخمینہ لگایا گیا ہے تاہم حتمی رپورٹ (آج)پیر تک آ جائے گی۔ذرائع کے مطابق جلسے کی وجہ سے گریٹر اقبال پارک کے بیشتر پارکس اور چھوٹے پودے تباہ کی گئے جبکہ پی ایچ ایانتظامیہ کی جانب سے گیٹوں کو لگائے جانے والے تالے بھی جلسے میں آنے والے شرکاء نے توڑ دیے۔گریٹر اقبال پارک کے پروجیکٹ ڈائریکٹر جاوید حامد کے مطابق پی ٹی آئی نے سابقہ جلسے میں 40 لاکھ روپے کا نقصان پہنچایا تھا جس کی رقم اب تک ادا نہیں کی گئی اور اب مزید نقصان ہوا ہے جس کی رپورٹ تیار کرکے پی ٹی آئی کی قیادت کو بھجوائیں گے۔شہریوں نے گریٹر اقبال پارک کے پودوں اور پارکس سے زیادہ مہنگائی اور معاشی صورتحال کو بڑا مسئلہ قرار دیا ہے۔