اسلام آباد(آن لائن)مبینہ بیٹی کو چھپانے کے الزام پر سابق وزیراعظم عمران خان نااہلی کیس میں درخواست گزار عمران خان کیخلاف 12نئی دستاویزات لے کر آگئے ۔نئے دستاویزات ریکارڈ پر رکھنے کی138صفحات کی تفصیلی درخواست اسلام آباد ہائی کورٹ میں دائر کر دی۔

درخواست میں کیلیفورنیا کی عدالت کے فیصلے کی کاپی بھی ریکارڈ کا حصہ بنانے کی استدعا کی گئی ،عمران خان کیخلاف شیرافگن نیازی اور فاروق ستار کیسز کا مکمل ریکارڈ شامل کیا گیا ۔درخواست میں عمران خان کے الیکشن کمیشن میں دیئے بیان حلفی کی کاپیاں بھی شامل کی گئی ہیں، درخواست میں ضمنی الیکشن میں 7 نشستوں پرکامیابی کا گزٹ نوٹیفکیشن بھی ریکارڈ پر رکھنے کی استدعا کی گئی ہے، سابق وزیر اعظم عمران خان کے کیخلاف درخواست گزار نے اپنے درخواست میں ترمیم کیلئے نئی درخواست دائر کردی درخواست گزار کے مطابق عمران خان نے ضمنی انتخابات میں سات نشستوں پر کامیابی حاصل کی تھی الیکشن کمیشن نے این اے 45 کْرم سے عمران خان کی کامیابی کا نوٹیفکیشن جاری کیا عمران خان نے اپنے نئے کاغذات نامزدگی میں بھی ٹیریان کو بطور بیٹی ظاہر نہیں کیا ،حالیہ پیش رفت کے باعث درخواست میں ترمیم ضروری ہے ،درخواست میں ترمیم کے باوجود کیس کی نوعیت میں کوئی تبدیلی نہیں ہوگی۔