برمنگھم(نیوزڈیسک)برمنگھم یونیورسٹی کی لائبریری سے ملنے والے قرآنی نسخوں کی اگلے ماہ نمائش کیلئے تین پونڈ فیس مقرر کردی گئی ہے ،حکام کے مطابق 2 اکتوبر سے 25 اکتوبر تک نمائش کیلئے رکھے گئے قرآنی نسخوں کیلئے ٹکٹ جاری کئے جارہے ہیں، خواہشمند صرف تین پونڈ کے ٹکٹ میں لگ بھگ 1470سال قبل رکھے گئے ان قرآنی نسخوں کی زیارت کرسکیں گے۔ روزنامہ جنگ کے صحافی ابرارمغل کی رپورٹ کے مطابق یونیورسٹی حکام کے مطابق ٹکٹ آن لائن بھی بک کئے جاسکتے ہیں۔ برآمد ہونے والے قرآنی نسخے ایجباسٹن میں شعبہ میوزک اینڈ آرٹس میں زیارت کیلئے رکھے جائیں گے تاہم ابھی تک یہ طے نہیں ہوا کہ ٹکٹ کتنے وقت کیلئے کار آمد ہوگا۔ یار رہے کہ برطانیہ کے لاکھوں مسلمان ان مقدس اور نادر نسخوں کی زیارت کیلئے بے چین و بے قرار ہیں