ممبئی (این این آئی)بھارت کی سابقہ گلوکارہ وانی جیرام چنئی میں اپنی رہائشگاہ میں مردہ حالت میں پائی گئیں۔پولیس نے مشتبہ حالت میں وفات کا مقدمہ درج کرکے تفتیش شروع کر دی ہے۔وانی جیرام کی لاش کلپوک سرکاری اسپتال میں پوسٹ مارٹم کیلئے منتقل کی گئی ہے۔وانی کی ماسی نے میڈیا سے بات کرتے ہوئے کہا کہ اس نے صبح پونے 11 بجے گھنٹی بجائی تو گلوکارہ نے دروازہ نہیں کھولا، فون کیا تو وہ بھی نہیں اٹھایا۔پھر نوکرانی نے وانی کی بہن اوما کو مطلع کیا جنہوں نے وہاں آکر ڈپلیکیٹ چابی سے دروازہ کھولا۔وانی جے رام فرش پر بیہوش حالت میں پائی گئیں، ان کے ماتھے پر زخم تھے۔وانی جیرام نے 1971 میں ’گڈی‘ گا کر سنگیت کی دنیا میں اپنا نام بنایا، انہوں نے 5 دہائیوں تک گلوکاری کی۔گلوکارہ نے 19 زبانوں میں 10 ہزار سے زائد گیت گائے، انہیں بہترین گلوکاری پر تین بار بھارت کا نیشنل فلم ایوارڈ دیا گیا۔