راولپنڈی( آن لائن )راولپنڈی کے علاقے تھانہ چونترہ میں نجی ہاؤسنگ سوسائٹی میں فائرنگ کے واقعہ میں 3 افراد جاں بحق 3 زخمی ہوگئے۔ نجی ہاؤسنگ سوسائٹی میں آپس کی لڑائی جھگڑے کے دوران فائرنگ سے تین افراد جاں بحق اورتین افراد زخمی ہوئے،جاں بحق افراد کی شناخت کی جارہی ہے جبکہ زخمیوں میں طاہر،نور علی اوریاسر شامل ہیں۔پولیس کے مطابق نعشوں کو پورسٹ مارٹم جبکہ زخمیوں کو علاج معالجہ کے لیے ہسپتال منتقل کیا کر دیا گیا ہے۔ایس پی صدرمحمد نبیل کھوکھر اور ایس ڈی پی اوسول لائنز پولیس نفری کے ہمراہ موقعہ پر موجود ہیں، واقعہ کی تحقیقات کی جارہی ہیں۔موقعہ سے شواہد اکھٹے کیے جارہے ہیں ایس پی اور ڈی پی او کا کہنا ہے کہ واقعہ میں ملوث ملزمان کو گرفتار کرکے قانون کے کٹہرے میں کھڑا کیاجائے گا۔ وزیر اعلیٰ چوہدری پرویز الہی نے واقعہ میں ملوث ملزمان کی گرفتاری کا حکم دیدیا ۔