ملتان( این این آئی) انجری میں گھری پاکستان کرکٹ ٹیم کے لیے اچھی خبر سامنے آ گئی، فاسٹ بولر نسیم شاہ نے انجری میں بہتری آنے کے بعد ملتان میں بولنگ پریکٹس شروع کر دی ۔پاکستان اور انگلینڈ کے درمیان ملتان ٹیسٹ سے قبل نسیم شاہ کندھے کی انجری کا شکار ہو گئے تھے جس کے باعث انہیں ٹیم میں شامل نہیں کیا گیا تھا۔تاہم اب انہوں نے ملتان میں بولنگ پریکٹس شروع کر دی ہے ، امکان ظاہر کیا جا رہا ہے کہ نسیم شاہ سیریز کے تیسرے ٹیسٹ میچ سے قبل فٹ ہو جائیں گے جو کہ 17 دسمبر سے کراچی میں کھیلا جانا ہے۔یاد رہے کہ فاسٹ بولر شاہین شاہ آفریدی اور حارث رئوف بھی انجری کے باعث ٹیم کو دستیاب نہیں ہیں۔واضح رہے کہ 3ٹیسٹ میچوں کی سیریز میں انگلینڈ کو ایک صفر کی برتری حاصل ہے۔