اسلام آباد (مانیٹرنگ ڈیسک )مسلمان والدہ کی آخری رسومات کیلئے ہندو اور مسلمان بھائی آپس میں لڑ پڑے ۔ پولیس نے ہندو بھائی کےمطالبے پر عملدآمد کروا دیا۔ ” ٹائمز آف انڈیا” کی رپورٹ کے مطابق بھارتی ریاست بہار کے ضلع لکھی سرائے میں یہ واقعہ سامنے آیا

جہاں پر ریکا نامی خاتون نے 45سال پہلے مسلمان شوہر کے انتقال کے بعد ہندو شخص راجندرجھا سے شادی کی تھی ۔ خاتون کا مسلمان شوہر سے ایک بیٹا تھا جبکہ دوسری ہندو شخص سے شادی کے بعد بھی اس کا ایک بیٹا ہوا ، ہندو راجندر ایک کٹر پادری تھا جبکہ اس کا بیٹا بھی کٹر ہندو تھا ۔ ریکا کے ہندو شوہر دس سال پہلے چل بسا تھا وہ اپنے دونوں بیٹوں کیساتھ رہ رہی تھی ، ایک بھائی مسجد جا کر نماز پڑتا تھا تو دوسرا مندر جاتا تھا ۔ ریکا کے گھر میں مذہب کے نام پر کبھی کوئی جھگڑا نہیں ہوا لیکن اس کی وفات پر دونوں بھائی آپس میں لڑ پڑے ، مسلمان بھائی اپنی ماں کو دفنانا چاہتا تھا جبکہ ہندو بھائی اپنی والدہ کی چتا کو آلگانا چاہتا تھا ، دونوں کے درمیان بحث شدت اختیار کرنے پر معاملہ پولیس تھا کہ پہنچ گیا ۔ ہندو بھائی نے پولیس کے سامنے بیان دیاکہ اس کی والدہ میرے والد سے شادی کے بعد اسلام چھوڑ کر ہندو بن گئی تھی جس پر پولیس نے اس کے حق میں فیصلہ دیتے ہوئے اپنی نگرانی میں خاتون کی چتا کو آگ لگوائی ۔