رائے ونڈ(این این آئی)تیز رفتار کوسڑ مسافر ویگن سے ٹکرا گئی ،حادثے میں زخمی ہونے والے 16مسافروں کو طبی امداد کے لئے ہسپتال منتقل کردیا گیا ۔تفصیلات کے مطابق رائے ونڈ روڈ پاجیاں چوک کے مقام پر تیز رفتار کوسڑ مخالف سمت سے آنیوالی مسافر ویگن سے ٹکرا گئی جس کے نتیجہ میں 16مسافر زخمی ہوئے جن میں 4افراد کو ابتدائی طبی امداد دیکر فارغ کردیا گیا جبکہ دیگر زخمیوں کو انڈس ہسپتال رائے ونڈ منتقل کردیا گیا ہے جہاں انکا علاج معالجہ جاری ہے ،حادثہ سڑک کی تعمیر کے لئے دوسرا روڈ بند ہونے کے باعث پیش آیا ۔