لاہور ( این این آئی) ترجمان پنجاب حکومت فیاض الحسن چوہان نے کہا ہے کہ سلمان شہباز اربوں روپے کا کیس معاف کروانے واپس آرہا ہے۔فیاض الحسن چوہان نے اپنے نئے بیان میں شریف خاندان پر تنقید کرتے ہوئے کہا کہ بیگم صفدر این آر او 2لے کر ملک سے فرار ہو گئی ہیں اور سلمان شہباز واپس آ رہا ہے، سلمان شہباز اربوں روپے کا کیس معاف کروانے واپس آرہا ہے۔انہوں نے کہا کہ وفاقی وزیر اسحاق ڈار این آر او 2سے مستفید ہو کر ملکی معیشت کا بیڑا غرق کرنے واپس آیا، ملکی معیشت کے حالات متقاضی ہیں کہ فوری الیکشنز کروائے جائیں۔انہوں نے کہا ہے کہ امپورٹڈ حکومت اپنی ضد چھوڑ کر محض اقتدار کے مزے لوٹنے کے لیے ملک کو مت ڈبوئے۔