نارنگ منڈی (این این آئی)نارنگ منڈی کی ایف جی اے کالونی کے رہائشی نے بینک سے لیا گیا قرض اور سود واپس کرنے میں ناکامی پر مبینہ طور پر بینک عملے کے ناروا رویے سے دلبرداشتہ ہو کر زندگی کا خاتمہ کر لیا ۔بتایا گیا ہے کہ متوفی عباس مسیح جوپانچ بچوں کا باپ تھا مقامی بھٹہ خشت میں اینٹیں بنانے کا کام کرتا تھا ۔غربت و تنگ دستی کے باعث نجی بنک سے قرضہ لیا لیکن قرض اور سود کی ادائیگی نہ کر سکا ۔ مبینہ طور پر بنک کے عملے نے سخت رویہ اپنایا اور ہر ہفتہ کو سود کی ادائیگی کا پابند بنایا ۔ عباس مسیح نے ان معاملات سے دلبرداشتہ ہو کر گندم میں رکھنے والی زہریلی گولیاں کھا لیں جسے تشویشناک حالت میں ہسپتال لے جایا گیا مگر وہ جانبر نہ ہو سکا ۔