اسلام آباد ( آن لائن)وفاقی وزیر شازیہ مری نے کہا ہے کہ 1995میں گملے میں اگائی گئی وائرس کووڈ 18 کی صورت میں سامنے آئی ،ممنوعہ فارن فنڈنگ عمران خان کے گلے میں طوق کی طرح ہے ۔اپنے ایک بیان میں شازیہ مری کا کہنا تھا کہ عمران خان نے ممنوعہ فنڈنگ کا ایجنڈا پوری ایمانداری سے پورا کرنے کی کوشش کی ، پاکستان کو عالمی سطح پر تنہا اور ڈیفالٹ کرنا عمران خان کا مشن تھا، فوج کی طرف سے سیاسی مداخلت ختم کرنے کے بیانیہ نے عمران خان کے ہوش اڑا دیئے ہیں، انہوں نے کہا کہ غیر خاندانی لوگ جب سیاست میں داخل کیئے جائیں دھونس، دھمکی اور گالی کی سیاست فروغ پاتی ہے، چور چور کا شور مچانے والے نے سیلاب متاثرین کے پیسے بھی ہڑپ کردیئے ہیں، شازیہ مری عمران خان احتساب سے بچنے کیلئے شور مچا رہا ہے ۔