ملتان ( این این آئی) پاکستان اور انگلینڈ کی کرکٹ ٹیمیں دوسرے ٹیسٹ میچ کے لئے اسلام آباد سے ملتان پہنچ گئیں۔دونوں ٹیموں کے کھلاڑیوں کو سخت سکیورٹی میں اسلام آباد ایئرپورٹ لایا گیا جہاں سے ملتان روانہ ہوئے ۔ دونوں ٹیموں کے درمیان 3ٹیسٹ میچوں کی سیریز کا دوسرا میچ جمعہ سے ملتان میں کھیلا جائے گا۔پاکستان اور انگلینڈ کے درمیان تیسرا ٹیسٹ میچ 17دسمبر سے کراچی میں کھیلا جائے گا۔

واضح رہے کہ سیریز کے پہلے ٹیسٹ میچ میں انگلینڈ نے پاکستان کو 74 رنز سے ہرایا تھا۔چیئرمین پاکستان کرکٹ بورڈ رمیز راجا نے دعویٰ کیا ہے کہ ملتان ٹیسٹ میں ایک نئی کرکٹ نظر آئے گی۔پی سی بی چیئرمین نے مزید کہا کہ پاکستانی ٹیم انگلینڈ کا ملتان میں بھرپور مقابلہ کرے گی، دوسرے ٹیسٹ میں ایک نئی کرکٹ نظر آئے گی۔