ماسکو (آن لائن)روس کے دو فضائی اڈوں پر دھماکوں سے 3 افراد ہلاک اور 8 زخمی ہوگئے۔روسی خبر ایجنسی کے مطابق حکام نے فضائی اڈوں پر دھماکوں کی تصدیق کی ہے، ایک دھماکا روسی شہر ریازان کے فضائی اڈے پر واقع فیول ٹینکر پھٹنے سے ہوا جب کہ دوسرا دھماکا شہر سراتوف کے بمبار طیاروں کے فضائی اڈے میں ہوا جس کی وجہ معلوم نہیں ہوسکی۔ریازان کے فضائی اڈے پر واقع فیول ٹینکر پھٹنے سے 3 افراد ہلاک اور 6 زخمی ہوئے جب کہ سراتوف کے بمبار طیاروں کے فضائی اڈے میں 2 افراد کے زخمی ہونیکی اطلاع ہے دونوں روسی شہر یوکرین سے کئی سو میل کے فاصلے پر ہیں۔