تہران(این این آئی)ایران نے اسرائیل کی خفیہ ایجنسی موساد کیلئے کام کرنیوالے4افراد کو سزائے موت دیدی۔غیر ملکی میڈیا کے مطابق اسرائیل کی انٹیلی جنس ایجنسی کیلئے کام کرنے کے الزام میں سزا پانے والے چاروں افراد کواتوارکی صبح سزائے موت دی گئی۔ایران کی عدلیہ کی جانب سے بھی چاروں افراد کو سزائے موت کی تصدیق کرتے ہوئے بتایا گیا ہے کہ چاروں پر اسرائیل کی انٹیلی جنس سروس کیساتھ کام کرنیکاالزام تھا۔یاد رہے کہ چند روز قبل ایران کی عدالت نے اسرائیلی انٹیلی جنس سروس کی ہدایات پر چوری چکاری، اغوا اور عوامی املاک کو نقصان پہنچانے کا جرم ثابت ہونے پر 4 افراد کو سزائے موت سنائی تھی۔اس گروہ کے دیگر تین افراد کو قومی سلامتی کو نقصان پہنچانے، غیرقانونی اسلحہ رکھنے اور اغوا کی وارداتوں میں معاونت پر 5 سے 10سال قید کی سزا سنائی گئی تھی۔