راولپنڈی (این این آئی)پاکستان کے خلاف پنڈی ٹیسٹ کی پہلی اننگز میں 153 رنز کی شاندار اننگز کھیلنے والے ہیری بروک نے ایک اوور میں 6 چوکے بھی لگائے۔انگلینڈ نے پاکستان کے خلاف پنڈی ٹیسٹ میں پہلی اننگز میں 657 رنز کا پہاڑ

جیسا اسکور بنایا جس میں ہیری بروک کے علاوہ زیک کرالی، اولی پوپ اور بین ڈکٹ کی سنچریاں بھی شامل تھیں۔انگلینڈ کی پہلی اننگز کے پہلے روز قومی ٹیم کے کپتان بابر اعظم نے سیٹ بیٹر ہیری بروک کو آؤٹ کرنے کیلئے پارٹ ٹائم بولر سعود شکیل کو آزمایا تاہم فلیٹ وکٹ پر یہ تجربہ بالکل ناکام رہا۔ہیری بروک نے سعود شکیل کے اوور میں 6 گیندوں پر چھ چوکے لگائے اور 24 رنز بٹورے۔ہیری بروک نے انگلینڈ کی اننگز کے 68 ویں اوور اور سعود شکیل کے دوسرے اورر میں 6 گیندوں پر 6 چوکے لگائے۔اس حوالے سے ہیری بروک کا کہنا تھا کہ سعود شکیل کے اوور کی تمام گیندیں بہت بری تھیں اور میں انہیں بانڈری سے باہر پھینکنا چاہتا تھا جس میں کامیاب رہا۔