اسلام آباد (این این آئی)پاکستان تحریک انصاف کے رہنما فواد چوہدری نے امریکی سفیر ڈونلڈ بلوم سے ملاقات کی تصدیق کردی۔نجی ٹی وی سے گفتگو کرتے ہوئے فواد چوہدری نے کہاکہ میری امریکی سفیر سے ملاقات ہوئی ہے، یہ معمول کی ملاقات تھی۔اس سے قبل خبر سامنے آئی تھی کہ فواد چوہدری اور امریکی سفیر کی ملاقات دن 3 سے 4 بجے تک امریکی سفارتخانے میں ہوئی اور یہ ون آن ون ملاقات ایک گھنٹہ جاری رہی۔ذرائع نے بتایا کہ ملاقات میں ملکی سیاسی صورتحال پر بھی گفتگو کی۔ امریکی سفارتخانے نے ہونے والی ملاقات پر تبصرے سے گریز کیا۔