راولپنڈی (این این آئی) سربراہ پاک فوج جنرل قمر جاوید باجوہ نے کہا ہے کہ فوج نے تو اپنا کیتھارسس شروع کردیا ہے، امید ہے سیاسی پارٹیاں بھی اپنے رویے پر نظر ثانی کریں گی۔ یوم دفاع و شہدا تقریب سے خطاب کرتے ہوئے آرمی چیف نے کہا کہ فوج نے تو اپنا کیتھارسس شروع کردیا ہے، مجھے امید ہے کہ ہماری سیاسی پارٹیاں بھی اپنے رویے پر نظر ثانی کریں گی۔ انہوں نے کہاکہ یہ بھی ایک حقیقت ہے کہ پاکستان میں ہر ادارے، سیاسی پارٹی اور سول سوسائٹی سے بھی غلطیاں ہوئی ہیں، ہمیں ان غلطیوں سے سبق سیکھنا چاہیے اور آگے بڑھنا چاہیے۔