اسلام آباد (آن لائن)آرمی چیف کی تعیناتی کیلئے 6ناموں پر مشتمل سمری وزیراعظم ہاؤس کو موصول ہوگئی۔ذرائع کے مطابق سمری میں 6 سینیئر ترین افسران کے نام شامل ہیں۔ ذرائع نے بتایا کہ سمری میں سب سے پہلا نام لیفٹیننٹ جنرل عاصم منیر کا ہے جبکہ دوسرا لیفٹیننٹ جنرل ساحر شمشاد کا ہے۔ سمری میں لیفٹیننٹ جنرل اظہر عباس، لیفٹیننٹ جنرل نعمان محمود، لیفٹیننٹ جنرل فیض حمید اور لیفٹیننٹ جنرل محمد عامر کے نام شامل ہیں۔سمری میں چیئرمین جوائنٹ چیفس آف اسٹاف کمیٹی اور آرمی چیف کیلیے ناموں کا پینل گیا ہے۔وزیراعظم شہباز شریف ان چھ ناموں میں سے ایک کو چیئرمین جوائنٹ چیفس آف اسٹاف کمیٹی اور ایک کو آرمی چیف لگائیں گے۔