حیدر آباد(نیوز ڈیسک) رینجرز سندھ میں امن وامان کیلئے تو کام کرہی رہی ہے ۔ اب وفاقی حکومت بجلی بلوں کی وصولی کیلئے بھی پیرا ملٹری فورس کو استعمال کرنے کی تیاری کرہی ہے ۔ کیوں کہ سندھ حکومت کے عدم تعاون کے باعث صوبے میں بجلی چوری واجبات کا مسئلہ سنگین ہوتا جارہاہے ۔ وزیر مملکت پانی وبججلی عابد شیر علی نے کہا ہے کہ عدم ادائیگی پر سندھ حکومت کے بجلی کنکشن بھی منقطع کردیئے جائیں ۔ رینجرز کی مدد سے واجبات کی 100 فیصد وصولی یقینی بنائی جائے گی ۔ حیدر آباد کے دورے میں انہیں حیسکو چیف محمد سلیم جاٹ نے بریفنگ دی اور بتایا کہ حیسکو کے 60 ارب 60 کروڑ کے بقایاجات ہیں ۔