لاہور ( این این آئی) پاکستان تحریک انصاف کے کارکن صدقے کیلئے اونٹ لے کر چیئرمین عمران خان کی رہائشگاہ زمان پارک پہنچ گئے ۔چیئرمین پی ٹی آئی عمران خان وزیر آباد واقعے میں زخمی ہونے کے بعد سے زمان پارک میں اپنی رہائشگاہ پر موجود ہیں ۔گزشتہ روز سرگودھا کے شہری وحید نیازی اور مبشر جٹ اونٹ کا صدقہ دینے کے لیے زمان پارک پہنچ گئے جن کا کہنا تھا کہ ہمارے قائد عمران خان نے 26 نومبر کو راولپنڈی روانہ ہونا ہے،عمران خان کی صحت یابی،سلامتی اور عمر درازی کیلئے اونٹ کا صدقہ دیں گے۔اس سے پہلے بھی عمران خان کا صدقہ دیتے رہتے ہیں۔آج یہ اونٹ لے کر زمان پارک پہنچے ہیں اونٹ کا صدقہ دیں گے تاکہ اللہ تعالی عمران خان کو کامیاب کرے اور انہیں لمبی صحت والی زندگی دے۔

موضوعات:پی ٹی آئی کارکن