نئی دہلی(این این آئی)بھارت کی سیاسی جماعت عام آدمی پارٹی کے وزیر ستیندر جین کی جیل میں خدمت کرنے والے شخص سے متعلق حیران کن انکشاف کیا گیا ہے۔بھارتی میڈیا کے مطابق ویڈیو سامنے آنے کے بعد عام آدمی پارٹی نے کہا تھا کہ ستیندر جین کی فزیو تھراپی کی جارہی تھی۔بھارتی میڈیا کے مطابق تہاڑ جیل کے ذرائع کا کہنا ہے کہ بھارتی وزیر کو مساج کرنے والاشخص رنکو ہے جو کہ زیادتی کے جرم میں قید ہے اور اسے گزشتہ سال گرفتار کیا گیا تھا۔رپورٹس کے مطابق عام آدمی پارٹی کے وزیر کی جیل میں خدمت اور مساج کی ویڈیوز رواں ماہ سامنے آئی تھیں۔