اسلام آباد (این این آئی)سربراہ اومنی گروپ انور مجیدکے بیٹے خواجہ عبد الغنی مجید نے چیئرمین پاکستان تحریک انصاف عمران خان کو 9 ارب روپے ہرجانیکا لیگل نوٹس بھیج دیا۔میڈیا رپورٹ کے مطابق عبد الغنی مجیدکی جانب سے بھیجے گئے لیگل نوٹس میں کہا گیا کہ آپ کی پارٹی کے رہنما اومنی گروپ پر غلط اور بے بنیاد الزامات لگا رہے ہیں،

2019 میں موسمیاتی تبدیلی کی وزیر زرتاج گل ٹی وی شو میں شریک تھیں اور زرتاج گل نے شو میں کہا کہ عبدالغنی مجید نے نیب سے 9 ارب روپے کی پلی بارگین کی ہیجب کہ شو میں چوہدری منظور احمد بھی شریک تھے انہوں کہا تھا یہ عبد الغنی مجید کوئی اور ہے۔عبد الغنی مجید کے مطابق زرتاج گل نے دعویٰ کیا کہ آصف زرداری کے شریک ملزم عبدالغنی مجید نے نیب سے پلی بارگین کرلی، عمران خان نے بھی 17 نومبر 2022 کو جلسے میں کہا کہ اومنی گروپ نے 9 ارب روپے کی پلی بارگین کرلی ہے، عمران خان نے تاثر دینیکی کوشش کی اومنی گروپ آصف علی زرداری کی ملکیت ہے۔انہوں نے کہاکہ اومنی گروپ مجید فیملی کی ملکیت ہے، آصف علی زرداری کا اومنی گروپ سے کوئی تعلق نہیں، خواجہ عبدالغنی مجید یا اومنی گروپ نے نیب سے کوئی پلی بارگین نہیں کی ہے، پلی بارگین نہ کرنے کی تصدیق کئی مواقع پر نیب حکام بھی کرچکے ہیں، غلط اور جھوٹے الزامات کی وجہ سے اومنی گروپ کو اربوں روپے کا نقصان ہوا ہے۔انہوں نے مطالبہ کیا کہ فوری طور پر الزامات واپس لیکر غیر مشروط معافی مانگی جائے اور ہرجانیکے طورپر 9 ارب روپے ادا کیے جائیں، 14 دن میں معافی نہیں مانگی گئی تو قانونی کارروائی کی جائے گی۔