اسلام آباد(این این آئی) ضلعی انتظامیہ نے 35شرائط کے ساتھ پی ٹی آئی کوریلی نکالنے کی اجازت دے دی ، ریلی میں 18سال سے کم بچوں کی شرکت پر پابندی ہوگی۔انتظامیہ نے 35شرائط کے ساتھ پی ٹی آئی کو ریلی کا این اوسی جاری کیا ، جس میں کہا گیا کہ ریلی اسلام آبادایکسپریس وے سے چک بیلی تک نکالنے کی اجازت ہو گی۔ریلی میں 18سال سے کم بچوں کی شرکت پرپابندی ہو گی اور آرگنائزر اس بات کویقینی بنائیں گے کہ شرکا مقررہ روٹ استعمال کریں۔این او سی میں کہا گیا کہ ایمبولینس، فائربریگیڈاور دیگرگاڑیوں کو راستہ دیاجائیگا تاہم شرائط کی خلاف ورزی پر این او سی منسوخ کردیا جائیگا۔تحریک انصاف کی ریلی اتوار کو کورال سے شروع ہوکرچیک بیلی تک جائے گی۔