اسلام آباد (این این آئی) اسلام آباد انتظامیہ نے کہا ہے کہ سید پور کے آس پاس تندوے دیکھے گئے ہیں، شہری پیدل یا اکیلے موٹر سائیکل پر سفر نہ کریں،پولیس کی نفری اورمحکمہ وائلڈ لائف کے اہلکار علاقوں میں تعینات کردیئے ہیں،کسی بھی ہنگامی صورتحال میں پکار 15 پر اطلاع دیں۔ ڈپٹی کمشنر آفس سے جاری بیان میں کہاگیاکہ

گزشتہ رات عشاء کے وقت گاؤں گھوکینا کے پاس کچھ موٹر سائیکل سواروں نے تیندوے کو دیکھا اور ڈر کی وجہ سے انکی موٹر سائیکل تیزرفتاری میں پھسل کر گر گئی جس کی وجہ سے ان لوگوں کو کچھ خراشیں آئیں۔ جاری بیان کے مطابق گزشتہ رورز بھی سیدپور کے آس پاس تیندوے دیکھے گئے، تمام لوگوں سے گزارش ہے کہ جب وہ مونال روڈ پر سفر کریں تو اکیلے موٹر سائیکل سفر نہ کریں دو تین موٹر سائیکلیں اکٹھی سفر کریں، وہاں پر موجود چیک پوسٹ پر بھی اطلاع کر دی گئی ہے اور وہ بھی لوگوں کو ہدایات جاری کر رہے ہیں اور پیدل یا اکیلے موٹر سائیکل پر سفر کرنے سے گریز کریں، انتظامیہ کی طرف سے تیندوے کو پکڑنے کے اقدامات کیے جا رہے ہیں وائلڈ لائف کی بائیکس بھی وہاں گشت کر رہی ہیں اور آگے بھی کریں گی اور اسی وجہ سے ضلعی انتظامیہ نے ٹریل تھری کو وقتی طور پر بند کر دیا گیا، جب تک اس تیندوے کو پکڑ نہیں لیا جاتا،ضلعی انتظامیہ نے وہاں کے تمام رہائشیوں سے پرسکون رہنے کی گزارش ہے،پولیس کی نفری اورمحکمہ وائلڈ لائف کے اہلکار علاقوں میں تعینات کردی گئی،اسلام آباد کیپٹل پولیس اور وائلڈ لائف کے اہلکار مل کر علاقہ کو محفوظ رکھنے میں اپنا بھرپور کردار ادا کریں گے۔بیان کے مطابق کسی بھی ہنگامی صورتحال میں پکار 15 پر اطلاع دیں۔