لاہو ر( این این آئی) پاکستان تحریک انصاف کے چیئرمین و سابق وزیر اعظم عمران خان نے کہا ہے کہ 6 ماہ قبل ہی پیشگوئی کردی تھی کہ تبدیلی سرکار ہماری قرض واپسی کی صلاحیت نیست ونابود کردے گی۔پی ٹی آئی چیئرمین نے سماجی رابطے کی ویب سائٹ ٹوئٹر پر ملکی معیشت پر تبصرہ کرتے ہوئے کہا کہ 6 ماہ پہلے ہی بتا دیا تھا کہ تبدیلی سرکار ہماری معیشت کو تباہی کے گڑھے میں اتار دے گی۔انہوں نے کہا کہ پاکستان پر کم و بیش 3 دہائیوں تک راج کرنے والے دومجرم خاندان معیشت کی تعمیرمیں کبھی سنجیدہ تھے نہ ہی ان میں اس کی صلاحیت تھی۔