کراچی(این این آئی)پاکستان کرکٹ ٹیم کے سابق کپتان شاہد آفریدی نے دوبارہ سے ایکشن میں دکھائی دینے سے متعلق مداحوں کی بے صبری کا جواب دیتے ہوئے کہاہے کہ کوئی بلائے گا تو چلے جائیں گے، پاکستان کے لیے کام کریں گے۔ایک انٹرویومیں شاہد آفریدی سے سوال کیا گیا کہ آپ کو آئندہ پی ایس ایل میں مداح کون سی ٹیم میں کھیلتا دیکھیں گے؟۔شاہد آفریدی نے مسکراتے ہوئے جواب دیا کہ مجھے تو لگ رہا ہے کہ میں تھرڈ امپائر نا بنوں کہیں۔سابق کپتان نے کہا کہ ابھی تک مجھے بالکل پتا نہیں ہے کہ میں کس فرنچائز کے ساتھ کھیلوں گا۔شاہد آفریدی نے کہا کہ کوئی بلائے گا تو چلے جائیں گے، پاکستان کے لیے کام کریں گے۔