فیصل آباد (این این آئی)فیصل آباد کے تھانا تاندلیانوالہ میں زیرحراست ملزم ہلاک ہوگیا۔پولیس ترجمان کے مطابق ایس ایچ او نے لاش اپنی ذاتی گاڑی میں ڈال کر خالی پلاٹ میں پھنکوا دی۔پولیس ترجمان نے بتایا کہ لاش پھنکوانے کے بعد ایس ایچ او نے شہری سے ون فائیو پرکال کرواکے نامعلوم لاش کی موجودگی کی اطلاع دلوائی۔واقعہ کے بعد قائم مقام سی پی او کے حکم پر پورا تھانہ معطل کردیا گیا ،ایس ایچ او سمیت 5 اہلکاروں کے خلاف قتل کا مقدمہ درج کیا گیا ہے،ایس ایچ او کو اپنے ہی تھانے کے حوالات میں بند کردیا گیا۔