اسلام آباد (این این آئی)پاکستان پیپلز پارٹی سے تعلق رکھنے والی رکن قومی اسمبلی نفیسہ شاہ اپنی ہی وفاقی حکومت پر برس پڑیں۔بدھ کو قومی اسمبلی کی قائمہ کمیٹی برائے خزانہ کا اجلاس ہوا جس میں رکن کمیٹی نفیسہ شاہ نے حکومت پر تنقید کی۔نفیسہ شاہ نے اجلاس میں کہا کہ میرے حلقے خیرپور میں 4 ہزار بچے مر گئے ہیں، یہ المیہ ہے کہ بچوں کا ڈیٹا نہیں ہے۔رہنما پیپلز پارٹی نے کہا کہ خواتین اور بچے ٹینٹ اور دوا کے لیے مارے مارے پھرتے ہیں، سیلاب متاثرین کا ڈیٹا نہیں ہے، ایک ایک گھر میں 2 دفعہ چیزیں دی گئیں۔انہوں نے کہا کہ سیلاب متاثرین کا ڈیٹا مرتب کرنا سب سے بڑی ذمہ داری ہے، سیلاب میں دوہزار اموات بتائی جا رہی ہیں لیکن ہر ڈسٹرکٹ میں ملیریا سے اموات شامل نہیں۔

موضوعات:نفیسہ شاہ