اسلام آباد (این این آئی)سابق وفاقی وزیرفیصل واوڈا نے کہا ہے کہ چیئرمین تحریک انصاف اور آرمی چیف کی ملاقات میں سہولت کار کا کردار ادا کیا تھا۔نجی ٹی وی سے گفتگو کرتے ہوئے سابق وزیر نے کہاکہ عمران خان اور آرمی چیف کی ملاقات ایوان صدر میں ہوئی۔ ملاقات میں کہاگیا کہ الیکشن کی تاریخ کا اعلان کروادیں

تاہم ملاقات کے ایک دن بعد ہی چیزیں خراب ہوگئیں۔فیصل واوڈا نے کہا کہ عمرفاروق سے وزرات ملنے کے ڈیڑھ سال بعد ملاقات ہوئی، عمرفاروق سے ملنے کیلئے اعظم خان نے کہا تھا، دیگر وزرا کی بھی ان سے ملاقات ہوچکی ہے۔سابق وفاقی وزیر نے دعویٰ کیا کہ چیئرمین سینیٹ کے دن گنے جاچکے ہیں، عقل مندی ہے کہ استعفیٰ دے دیں یا پھر تحریک عدم اعتماد آجائے گی، میں نے چیئرمین سینیٹ کو الوداعی کھانے کی آفر کردی ہے، چیئرمین سینیٹ اور ڈپٹی چیئرمین کو کہا تھا عہدے آنے جانے والی چیزہے۔فیصل واوڈا نے کہا کہ ملک ریاض کو190 ملین ڈالر دینے کے وقت کابینہ میں موجود تھا، شہزاد اکبر نے کہا لفافے پر ہم کابینہ میں بات چیت نہیں کرسکتے، شہزاد اکبر نے ہمارے سوال اٹھانے پر برا مانا تھا۔ سابق وفاقی وزیرفیصل واوڈا نے کہا ہے کہ چیئرمین تحریک انصاف اور آرمی چیف کی ملاقات میں سہولت کار کا کردار ادا کیا تھا۔نجی ٹی وی سے گفتگو کرتے ہوئے سابق وزیر نے کہاکہ عمران خان اور آرمی چیف کی ملاقات ایوان صدر میں ہوئی۔ ملاقات میں کہاگیا کہ الیکشن کی تاریخ کا اعلان کروادیں تاہم ملاقات کے ایک دن بعد ہی چیزیں خراب ہوگئیں۔