لاہور( این این آئی) کاہنہ میں شادی سے انکار پر لڑکی پر تیزاب پھینک دیا گیا ،پولیس نے بروقت کارروائی کر کے خاتون پر تیزاب پھینکنے والے ملزم کو گرفتار کر لیا ۔ایس پی ماڈل ٹائون حسن جاوید بھٹی کی سربراہی میں کاہنہ پولیس نے بروقت کارروائی کر کے واقعہ میں ملوث مرکزی ملزم آصف کوگرفتار کیا ۔ ایس پی ماڈل ٹائون کے مطابق دوست آصف کو شادی سے انکار پر اس کے دوست رزاق نے 25 سالہ تہمینہ پر تیزاب پھینک دیا ،ملزم نے والدین کی غیر موجودگی میں گھر آکر خاتون پر تیزاب پھینکا ،تیزاب سے خاتون کا بازو اور جسم جھلس گیا۔جدید ٹیکنالوجی کے استعمال سے ملزم کو گرفتار کیا گیا۔پولیس کے مطابق ملزم کے خلاف مقدمہ درج کر کے اسے انوسٹی ویشن ونگ کے حوالے کر دیا گیا۔پولیس پراسیکیوشن پارٹنر کی مدد سے ملزمان کو سخت سزا دلوائی جائے گی۔