سڈنی (این این آئی)آسٹریلیا سے تعلق رکھنے والی پاکستان سپر لیگ کی پریزینٹر ایرن ہالینڈ نے پاکستانی کرکٹ ٹیم کی نیوزی لینڈ کیخلاف سیمی فائنل میں کارکردگی کو خوب سراہا۔میچ کے دوران ایرن ٹوئٹر پر ٹوئٹس کے ذریعے اپنے خیالات کا اظہار کرتی رہیں۔ اپنی ایک ٹوئٹ میں انہوں نے فاسٹ بولر

شاہین شاہ آفریدی کی وکٹ لینے پر سیلبریش کے حوالے سے لکھا ‘میں کبھی شاہین کی سیلبریشن سے بور نہیں ہوتی۔ایرن ہالینڈ نے ایک اور ٹوئٹ میں بابر اعظم اور محمد رضوان کی 105 رنز کی شراکت داری پر کہا یہ بابر اور رضوان کی وہ اوپننگ پارٹنرشپ ہے جسے سب جانتے ہیں ۔انہوں نے کہا کہ قسم سے، میں سڈنی کرکٹ گراؤنڈ میں پاکستان کیلئے ہونے والا شور اپنے گھر تک سْن سکتی ہوں۔ایرن ہالینڈ نے کہاکہ سڈنی کرکٹ گراؤنڈ میں پاکستان زندہ باد کے نعروں نے مجھے واپس لاہور کے قذافی اسٹیڈیم پہنچا دیا۔ایرن نے ٹوئٹر پر لکھا کہ پاکستان کا ٹورنامنٹ میں یہ کم بیک کئی عرصے تک یاد رکھا جائیگا، میں نیوزی لینڈ کو محسوس کر سکتی ہوں جو پورے ٹورنامنٹ میں کافی مضبوط ٹیم رہی۔واضح رہے کہ گزشتہ روز پاکستان نے سیمی فائنل میں نیوزی لینڈ کو 7 وکٹوں سے شکست دے کر فائنل کیلئے کوالیفائی کرلیا۔ آسٹریلیا سے تعلق رکھنے والی پاکستان سپر لیگ کی پریزینٹر ایرن ہالینڈ نے پاکستانی کرکٹ ٹیم کی نیوزی لینڈ کیخلاف سیمی فائنل میں کارکردگی کو خوب سراہا۔میچ کے دوران ایرن ٹوئٹر پر ٹوئٹس کے ذریعے اپنے خیالات کا اظہار کرتی رہیں۔