اسلام آباد (این این آئی) وفاقی حکومت نے پیمرا کو عمران خان کی تقریر پر پابندی فوری ہٹانے کی ہدایت کر دی ہے، حکومت نے پیمرا آرڈیننس 2002 کے سیکشن 5 کو بروئے کار لاتے ہوئے یہ ہدایات جاری کی ہیں، واضح رہے کہ پاکستان الیکٹرانک میڈیا ریگولیٹری اتھارٹی (پیمرا) نے چیئرمین پاکستان تحریک انصاف عمران خان کے متنازع بیانات کا نوٹس لیتے ہوئے عمران خان کی تقاریر اور پریس کانفرنس دکھانے پرپابندی لگادی تھی۔پیمرا کی جانب سے جاری احکامات کے مطابق عمران خان کی ریکارڈ تقریر بھی نشر نہیں کی جاسکتی، تمام ٹی وی چینلز اس پابندی پر عمل کریں اور احکامات کو مانیں۔