اسلام آباد (این این آئی)ایف آئی اے نے سینیٹر اعظم سواتی کی وڈیو جعلی قرار دے دی۔ ایف آئی اے کے مطابق انٹرنیٹ پر پھیلائی جانے والی سینیٹر اعظم سواتی کے بارے میں وڈیو فیک ہے،اعظم سواتی سے منسوب فحش وڈیو اور آڈیو کا تفصیلی تجزیہ کیاگیا،
وڈیو اور آڈیو کا فریم ٹو فریم فررنزک تجزیہ کیا گیا ہے،یہ فورنزک انٹرنیشنل معیار کے مطابق کی گئی۔ بیان کے مطابق انٹرنیشنل معیار کے فورنزک سے ثابت ہوا ہے کہ وڈیو میں ایڈیٹنگ ہوئی ہے،چہروں کو بگاڑ کر مختلف وڈیوز اس میں شامل کی گئیں۔ ایف آئی اے کے مطابق فوٹو شاپ کی گئی،سینیٹر اعظم سواتی نے جو باتیں کی ہیں، اس پر باضابطہ تحقیقات کی ضرورت ہے۔ ایف آئی اے کے مطابق سینیٹر اعظم سواتی ایف آئی اے کو تحریری درخواست دیں اور اپنے تمام تحفظات تحریر کر دیں،بادی النظر میں جعلی وڈیو سینیٹر اعظم سواتی کو بدنام کرنے کے لئے پھیلائی گئی ہے۔خیال رہے کہ اعظم سواتی نے پریس کانفرنس کی تھی اور کہا تھاکہ میری اور میری اہلیہ کی ویڈیو میری اہلیہ کوبغیرکسی نمبرکے فون پر بھجوائی گئی۔رہنما پی ٹی آئی اعظم سواتی یہ بتاتے ہوئے پھوٹ پھوٹ کر رو پڑے۔
