کراچی (آئی این پی )انٹربینک مارکیٹ میں ڈالر کی قدر 2پیسے کی کمی سے 221.92روپے کی سطح پر جبکہ اوپن کرنسی مارکیٹ میں ڈالر کی قدر بغیر کسی تبدیلی کے 227.75 روپے کی سطح پر بند ہوئی ہے۔
معاشی تجزیہ کاروں کا کہنا ہے کہ حکومت کی جانب سے ڈالر کی اسمگلنگ کی روک تھام اور ڈالر کے خریداروں پر نظر رکھنے سے امکان ہے کہ ڈالر کی پیش قدمی رک جائے گی۔تفصیلات کے مطابق ایشیائی ترقیاتی بینک کی جانب سے 1.5ارب ڈالر موصول ہونے کے بعد ملکی ذرمبادلہ کے ذخائر میں اضافے کے باعث جمعہ کو ڈالر کی نسبت روپے کو استحکام ملا۔اسٹیٹ بینک کی طرف سے ایکس چینج کمپنیوں کو موصولہ ترسیلات زر کا 20فیصد اپنے کسٹمرز کو فروخت کرنے کی اجازت سے بھی روپیہ مستحکم ہوا۔معاشی تجزیہ کاروں کا کہنا ہے کہ افراط زر کی بڑھتی ہوئی شرح اور دوست ممالک کی جانب سے وعدوں کے باوجود پاکستان کے لیے مطلوبہ فنڈز کے عدم اجرا سے مارکیٹ پلئیرز میں اگرچہ اضطراب ہے لیکن حکومت کی جانب سے ڈالر کی اسمگلنگ کی روک تھام اور ڈالر کے خریداروں پر نظر رکھنے سے امکان ہے کہ ڈالر کی پیش قدمی رک جائے گی۔
