راولپنڈی (مانیٹرنگ ڈیسک) عمران خان کے الزامات پر آئی ایس پی آر کی جانب سے شدید ردعمل سامنے آیا ہے، آئی ایس پی آر کے بیان کے مطابق چیئرمین پی ٹی آئی عمران خان کے ادارے کے خلاف بے بنیاد اور غیر ذمہ دارانہ الزامات یکسر ناقابل قبول ہیں، پی ٹی آئی کے چیئرمین کے بالخصوص ایک اعلیٰ فوجی افسر کے خلاف بے بنیاد الزامات ناقابل قبول ہیں۔ آئی ایس پی آر کے مطابق پاک فوج ایک انتہائی پیشہ ور اور نظم و ضبط کی حامل فوج ہے، آئی ایس پی آر کے مطابق کسی کو بھی ادارے یا اس کے سپاہیوں کی بے عزتی کرنے کی اجازت نہیں دی جائے گی، حکومت پاکستان سے درخواست ہے کہ وہ اس معاملے کی تحقیقات کرے، حکومت بغیر کسی ثبوت ادارے کی ہتک کے ذمہ داروں کے خلاف قانونی کارروائی کرے۔