اوپن کرنسی مارکیٹ میں ڈالر 2 روپے مہنگا ٗپاکستان پر قرضوں کے بوجھ میں 2600 ارب روپے کا اضافہ ہو گیا

کراچی (آئی ا ین پی ) انٹر بینک میں امریکی ڈالر 1روپے 66 پیسے مہنگا ہوکر 238 روپے سے بھی تجاوز کرگیا ہے۔12 روز میں انٹر بینک میں ڈالر 19 روپے50 پیسے مہنگا ہوچکا ہے۔ اوپن کرنسی مارکیٹ میں ڈالر 2 روپے مہنگا ہوکر 244 روپے کا ہوگیا ہے۔ پیر کو دن کے اختتام پر انٹر بینک میں ڈالر 236.84 روپے پر بند ہوا تھا جب کہ اوپن مارکیٹ میں ڈالر 241 روپے پر بند ہوا تھا۔ اس دوران ڈالر مہنگا ہونے سے پاکستان پر قرضوں کے بوجھ میں 2600 ارب روپے کا اضافہ ہوا ہے۔ ڈیلرز کیمطابق اگست میں 1 ارب ڈالر کی ریکارڈ فوڈ امپورٹ سے ڈالر کی طلب میں اضافہ ہوا ہے۔ ڈیلرز کا کہنا تھا کہ امپورٹرز کو بینکوں سے ڈالرز دستیاب نہیں ہیں،قیمت بڑھتی دیکھ کر ایکسپورٹرز نے اپنے ڈالرز روک لئے ہیں۔ کرنسی ڈیلرز کا کہنا تھا کہ سیلاب کے بعد درآمدی ضروریات کیلے ڈالر کی طلب میں اضافہ ہوا ہے اور آئی ایم ایف کی ایکسچینج ریٹ کو فری فلوٹ رکھنے کی شرط نے بھی صورتحال دشوار کردی ہے۔