لندن (آن لائن) نوبل انعام یافتہ ملالہ یوسف زئی کی جانب سے شوہر کی سالگرہ کے موقع پر خوبصورت پوسٹ شیئر کی گئی ہے۔ملالہ نے اپنے انسٹاگرام اکاؤنٹ پر شوہر عصر ملک کے ہمراہ گزارے گئے چند خوبصورت لمحوں کو تصویروں میں سمونے کی کوشش کرتے ہوئے ایک پوسٹ اور نوٹ شیئر کیا ہے۔ملالہ کا اپنی انسٹاگرام پوسٹ پر اپنے ہمسفر کے ساتھ محبت کا اظہار کرتے ہوئے کہنا ہے کہ میرے سب سے اچھے دوست اور شوہر عصر ملک کو سالگرہ مبارک۔ ملالہ کا عصر کو مخاطب کرتے ہوئے لکھنا ہے کہ ہم نے جتنے لمحے ایک ساتھ گزارے ہیں آپ نے اْن سب میں بے حد خوشی، ہنسی اور زندگی بھر دی ہے، آپ کی مسکراہٹ میرے چہرے کو روشن کرتی ہے، میں آپ کا ساتھ ہونے اور ہر چال کو ناکام بنانے پر بہت مشکور ہوں۔