لاہور(این این آئی) گلوکارہ آئمہ بیگ نے اپنی منگنی ٹوٹنے کا باقاعدہ اعلان کردیا۔ گلوکارہ نے پہلے اپنی منگنی ٹوٹنے کی پوسٹ کو انسٹاگرام پر شیئر کیا اور کمنٹس بند کر دیئے تاہم بعد میں انہوں نے بعد میں اپنی ہی پوسٹ کو ڈیلیٹ کر دیاگلوکارہ نے لکھا کہ اب شہباز شیگری اور وہ ساتھ نہیں۔
پاکستانی گلوکارہ آئمہ بیگ نے گزشتہ برس شہباز شیگری سے منگنی کی۔ دونوں شوبز شخصیات کی منگنی کی یہ تقریب ایک میگا ایونٹ تھا جس میں شوبز کی دیگر شخصیات نے بھی شرکت کی تھی۔گزشتہ کئی دنوں نے آئمہ بیگ اور شہباز شیگری کی علیحدگی کی افواہیں گردش کر رہی تھیں لیکن اب اداکارہ نے باضابطہ طورپر اپنے انسٹاگرام اکاؤنٹ پراس خبر کا اعلان کیا کہ ان کی اورشہبازکی راہیں جدا ہوچکی ہیں۔گلوکارہ نے یہ بھی لکھا کہ وہ شہباز کے ساتھ گزارے اچھے لمحات کی وجہ سے ان کا احترام کرتیں ہیں۔ انہوں نے یہ لکھا کہ بعض اوقات کچھ غلط ہونے کی کوئی اور وجہ ہوتی ہے۔ اب سب کے سوالوں کا یہی جواب ہے کہ ہماری راہیں الگ ہو چکی ہیں لیکن ہم دونوں اچھا کر رہے ہیں تو گھبرانے کی ضرورت نہیں ۔ انہوں نے یہ بھی لکھا کہ میں اور شہباز اب ایک نہیں رہیں۔ آئمہ نے اپنی تحریر کے آخری الفاظ یہ لکھے کہ کوئی بھی سوری کا ٹیکسٹ بالکل نہیں ہم بالکل خیریت سے ہیں۔آخر میں آئمہ نے لکھا کہ میوزک زندگی ہے، دیکھیں کہ یہ ہمیں کہاں لے جاتا ہے؟۔آئمہ نے اپنی پوسٹ انسٹاگرام پر شیئر کرنے کے بعد کومنٹس کو بند کر دیا تاہم بعد میں یہ پوسٹ ڈیلیٹ کر دی۔
