پشاور(این این آئی) پشاورمیں پی ٹی آئی کے جلسے میں سرکاری وسائل کے استعمال اورضابطہ اخلاق کی خلاف ورزی کے معاملے پر الیکشن کمیشن نے عمران خان اور وزیراعلیٰ محمود خان پر 50،50 ہزار روپے جرمانہ عائدکردیا۔پشاور میں پاکستان تحریک انصاف نے 6 ستمبر کو عوامی طاقت کا مظاہرہ کیا تھا جس میں سرکاری وسائل کا استعمال کیا گیا تھا الیکشن کمیشن نے نوٹس لیتے ہوئے عمران خان اور وزیر اعلیٰ محمود خان کو نوٹس جاری کیا تھا ۔ دونوں رہنماؤں کے وکلاء کے دلائل مکمل ہونے پر الیکشن کمیشن نے فیصلہ محفوظ کرلیا تھا جس کے بعد الیکشن کمیشن نے چیئرمین پی ٹی آئی عمران خان اور وزیراعلی محمود خان پر 50،50 ہزار روپے جرمانہ عائد کردیا ۔ الیکشن کمیشن نے 10وزراء اور مشیروں پر بھی 50،50ہزار روپے جرمانہ عائد کردیا ہے۔