لاہور (آن لائن) قومی کرکٹ ٹیم کے سابق وکٹ کیپر بلے باز راشد لطیف نے انکشاف کیا ہے کہ جارح مزاج اوپنر فخر زمان ٹی20 ورلڈکپ کیلئے اسکواڈ کا حصہ نہیں ہوں گے۔ اپنے ٹویٹ میں راشد لطیف نے کہا کہ اوپنر فخر زمان کی گھٹنے کی انجری کے باعث ٹی20 ورلڈکپ میں قومی اسکواڈ کا حصہ نہیں ہوں گے کیونکہ انہیں کم از کم 4 سے 6 ہفتوں تک آرام کروایا جاسکتا ہے۔ انہوں نے کہا کہ فخر زمان ایشیاکپ میں مسلسل فیل ہوئے ہیں لیکن ان جیسا کھلاڑی کسی بھی وقت میچ کا رخ تبدیل کرنے کی صلاحیت رکھتا ہے۔ وہ ٹی20 کرکٹ میں پاکستانی ٹیم کا اثاثہ ہیں۔