سکھر(نیوز ڈیسک)سکھر سول اسپتال میں 117خالی اسامیوں کا انکشاف ہوا ہے،اسپتال میں مریضوں کی آمد زیادہ اور ڈاکٹرز نایاب ہوگئے۔حکومت سندھ اور محکمہ صحت کی عدم توجہی کے باعث سول اسپتال سکھر کی انتظامیہ شدید مشکلات کا شکار ہے۔ اسپتال میں گریڈ 17 سے 20 تک کی 117 خالی اسامیاں کئی سال گزرنے کے باوجود پر± نہیں کی جاسکیں۔منظوری کے باوجود گریڈ 17کی 62 گریڈ18 کی 38 گریڈ19 کی 11 اور گریڈ 20 کی 6 اسامیاں تعیناتی کی منتظر ہیں۔ایم ایس سول اسپتال ڈاکٹر جاوید شیخ نے جیونیوز سے گفتگو میں بتایا کہ اسپتال میں 16 شعبوں کے 32 وارڈز ہیں اور ہر وارڈ میں کم از کم ایک ڈاکٹر کی ضرورت ہے۔ سول اسپتال میں سکھر سمیت شکارپور جیکب آباد، کشمور،گھوٹکی اور خیرپور سے مریض علاج کیلئے آتے ہیں ،مگر ڈاکٹروں کی کمی کے باعث انہیں شدید مشکلات کا سامنا کرنا پڑتا ہے۔مریضوں کی شکایت یہ بھی ہے کہ سول اسپتال سکھر میں سٹی اسکین اورایم آرآئی کی بھی کوئی سہولت نہیں۔