اداکارہ مہوش حیات نے ایک اور بڑا اعزاز اپنے نام کر لیا
کراچی(این این آئی)معروف اداکارہ مہوش حیات اور ہدایتکارہ لینا خان ایک اور بین الاقوامی اعزاز حاصل کرنے میں کامیاب ہوگئیں۔
پاکستان شوبز انڈسٹری کے فنکارایک کے بعد ایک کامیابیوں کی جانب گامزن ہیں جس سے یہ اندازہ لگایا جا سکتا ہے کہ
پاکستانی شوبز انڈسٹری کا مستقبل روشن ہے۔رپورٹ کے مطابق مارول سٹوڈیوز کی پہلی مسلم سپر ہیرو سیریز مس مارول کے
ذریعے بین الاقوامی فلم نگری ہالی ووڈ میں قدم رکھنے والی اداکارہ مہوش حیات کو یوکے مسلم فلم (یوکے ایم ایف)کے
سرپرستوں (پیٹرنز)میں شامل کرلیا گیا ہے۔اداکارہ کیساتھ معروف پاکستانی ہدایتکارہ اور ڈزنی سکرین رائٹر لینا خان بھی
یوکے ایم ایف کی سرپرست مقرر کی گئی ہیں۔ یوکے مسلم فلم کی جانب سے انسٹاگرام پوسٹ کے ذریعے یہ اعلان کیا گیا ہے،
پوسٹ میں کہا گیا ہے کہ ہمیں یہ اعلان کرتے ہوئے بہت فخر ہے کہ ایوارڈ یافتہ اداکارہ مہوش حیات اور معروف مصنفہ
اور ہدایت کارہ لینا خان یوکے ایم ایف کے سرپرستوں میں شامل ہوگئی ہیں۔اداکارہ مہوش حیات نے یہ اعزاز حاصل کرنے پر شکر ادا کرتے ہوئے امید ظاہر کی ہے کہ
فلموں کی عالمی تنظیم میں ان کی شمولیت سے تنظیم سمیت ابھرتے ہوئے مسلمان شوبز شخصیات کو بھی فائدہ ملے گا۔