واشنگٹن(این این آئی)سابق امریکی صدر باراک اوباما اور اہلیہ مشل اوباما مبینہ طور پر اپنی بیٹیوں کی کچھ عادتوں کی وجہ سے کافی فکر مند ہیں۔بین الاقوامی میڈیا کی رپورٹ کے مطابق، سابق امریکی صدر اور خاتون اول اپنی بیٹیوں کے لاس اینجلس میں رہنے سے زیادہ خوش نہیں ہیں۔باراک اوباما کی بیٹیاں مالیا اور ساشا لاس اینجلس میں رہتی ہیں، اس لیے دونوں ہی بہت زیادہ خرچہ کرنے کی عادی ہیں۔اس حوالے سے ایک اندرونی ذرائع نے بتایا کہ مالیا اور ساشا رات کا کھانا زیادہ تر مہنگے ترین ریسٹورینٹس میں کھاتی ہیں، بیورلی ہلز اور ویسٹ ہالی ووڈ سے ڈیزائنر کپڑوں کی خریداری کرتی ہیں اور ہزاروں ڈالرز اسپاز اور سیلونز میں خرچ کرتی ہیں۔ذرائع کا کہنا تھا کہ بیٹیوں کے اخراجات اب باراک اور مشل اوباما کی شکایات کی فہرست میں سرفہرست ہیں۔