راولپنڈی (این این آئی)پاک فوج نے ملک بھر میں شدید بارشوں سے آنیوالے سیلاب کے متاثرین کیلئے اپنا 2 روز کا راشن عطیہ کرنے کا اعلان کرتے ہوئے کہاہے کہ آٹا، چینی، چاول، چائے، دالیں، خوردنی تیل اور خشک دودھ آرمی فارمیشنز کے ذریعے متاثرین میں تقسیم کیاجائے گا۔آئی ایس پی آر کے مطابق پاک فوج نے ملک بھر میں شدید بارشوں سے آنیوالے سیلاب کے متاثرین کیلئے اپنا 2 روز کا راشن عطیہ کرنے کا اعلان کیا ہے، پاک فوج کا فراہم کردہ راشن سندھ، بلوچستان، جنوبی پنجاب، خیبر پختونخواہ اور گلگت بلتستان کے سیلاب متاثرین میں تقسیم کیا جائیگا، راشن میں آٹا، چینی، چاول، چائے،دالیں، خوردنی تیل اور خشک دودھ شامل ہے، آرمی فارمیشنز متاثرہ علاقوں میں جا کر سیلاب متاثرین میں راشن تقسیم کریں گی۔